Gjykata e Apelit Shkodër do të vendosë sot për masën e sigurisë ndaj kryetarit të Bashkisë së Lezhës Fran Frrokaj i cili akuzohet për tjetërsim pronash në zonën e “Ranës së Hedhun” në bregdetin e Shëngjinit. Më 19 mars Gjykata e Shkallës së Parë në Lezhë dha masën “arrest shtepie” duke e liruar nga burgu kryebashkiakun Frrokaj.
Por ai apeloi këtë masë duke kërkuar që të mos ketë asnjë kufizim dhe hetimi të bëhet në gjendje të lirë. Ai së bashku me 22 zyrtarë të tjerë akuzohen për tjetërsim prone në Shëngjin.
Zyrtarët lokalë të hetuar nga Prokuroria akuzohen se në bashkëpunim me njëri-tjetrin kanë tjetërsuar tokën në zonën e plazhit, duke e kthyer në pronë private e më pas duke e shitur kundrejt vlerave të konsiderueshme monetare. /lezhanews.com/
