Ndërsa flitet për dislokim të 1500 trupave policore për mbarëvajtjen e protestës së opozitës, duket se masat e marra nga policia janë në nivel më të madh. Kështu, në rrugët në afërsi të sheshit shihen makina të shumta policie të dislokuara, forca speciale dhe makina hidrant për shpërndarjen e protestuesve nësë do të jetë nevoja.
Po ashtu, në lartësitë që rrethojnë sheshin, janë dislokuar snaiper. Tashmë, ka nisur edhe fotografimi i pjesëmarrësve që kanë nisur të mblidhen në sheshin para kryeministrisë. Siç tregojnë edhe fotot, tanimë ata kanë nisur punën.
Është regjistruar edhe përplasja e parë e policisë me protestuesit. Uniformat blu kanë sekuestruar një baner të madh ku shkruhej “Drejtësi për Ardit Gjoklaj”. POlicia ka thënë se ka vepruar pas një urdhi nga lart. ©ShkodraWeb
