Reagimet e tij publike janë gjithnjë të rralla, por duket se ish-kryeministrit Fatos Nano i ka ardhur ditën e sotme në majë të hundës. Nano ka denoncuar me tone të ashpra një individ që përdor identitetin e tij në rrjetet sociale dhe ka saktësuar se ai nuk ka asnjë adresë së rrjetin social Facebook.
Sipas ish-kryeministrit, një “shpellar” po përdor figurën dhe emrin e tij, madje dhe po flet në emër të tij. Në një postim në Instagram, Nano shkruan se:
“Një shpellar që hiqet si #fatosnano, tenton të përdorë figurën dhe emrin, por gjithmonë e kam thënë që nuk kam pasur adresë Facebook. Për më tepër po postoj disa foto të cilat ky personi në fjalë ka folur në emrin tim. Bëni kujdes mos bini prehë e mashtrrimeve… Me respekt #fatosnano.”
