Mbrëmjen e djeshme Elvana Gjata kishte zgjedhur që të organizonte një ditëlindjen ndryshe nga vitet e tjera, e për këtë ajo kishte përgatitur një koncert privat me vetëm 100 të ftuar.
Në këtë koncert recital për 31 vjetorin e saj, këngëtarja ndau me të ftuarit një pjesë nga albumi i tretë “live sesion”, që do të publikojë së shpejti.
Por edhe pse ajo u tregua thuajse “hermetike” në publikimin e pamjeve gjatë kësaj nate, disa mikesha e kanë “tradhtuar” duke postuar foto me Elvanën e duke zbuluar kështu së paku pamjen e saj në këtë mbrëmje të veçantë.
Fotot janë postuar nga bashkëshortja e deputetit Daut Haradinaj, e cila duket se nuk i ka rezistuar “manisë së rrjeteve sociale”.
Elvana e ka ruajtur “sekret” këtë mbrëmje pasi pamjet ekskluzive duket se do të publikohen nga një televizion shqiptar, por këto foto gjithsesi kanë dhënë një ide të asaj çfarë ndodhi mbrëmjen e djeshme. /panorama.com.al/
