Drejtori i Përgjithshëm i Policisë së Shtetit Ardi Veliu takim me strukturat e Drejtorisë Vendore të Policisë Shkodër.
Drejtori Vendor i Policisë Gjovalin Loka:
“Qindra telefonata mbështetje dhe falenderimi në 24 orët e fundit nga qytetarët për zbardhjen e ngjarjes. Punuam në grup në bashkëpunim të fuqishëm me Prokurorinë.”
Veliu: Vlerësim për 2 goditjet e fundit në kuadër të operacionit “Forca e Ligjit”. Vlerësim për Drejtuesit dhe ekipin për zbardhjen e ngjarjes me eksploziv. Inkurajim për punën e policisë dhe mbështetje për rezultate të tjera. Inkurajim dhe vlerësim për bashkëpunimin e Prokurorisë së Shkodrës me Policinë, model që duhet shpërndarë dhe krijuar në çdo qark.”.
Drejtori i Përgjithshëm i Policisë Veliu zhvilloi edhe një takim me Prokurorin e Rrethit Shkodër Anton Martini. Martini ka vlerësuar bashkëpunimin me policinë vendore dhe punën profesionale të bërë bashkarisht për zbardhjen e ngjarjes. Drejtori Ardi Veliu falenderoi Prokurorinë për ndihmën dhe mbështetjen si dhe theksoi se puna jonë ka sukses kur punojmë bashkarisht. /Njoftim i Policisë së Shtetit/
