Kandidati për deputet i PD- së për qarkun Shkodër, Kliti Hoti, ka vijuar takimet e tij elektorale në Rajonin nr. 2 të qytetit. Ai ka parë nga afër gjendjen e këtij rajoni, duke evidentuar edhe problematikat, sipas trij.
“Sot në një bashkëbisedim me banorët e Rajonit 2, organizuar nga z.Agim Plepi. Folëm për problemet e përditshme që i shqetësojnë prej vitesh: rrugët e amortizuara, mungesa e pastrimit, infrastruktura e neglizhuar dhe mungesa e shërbimeve bazë. Asgjë nuk ndreqet brenda ditës.
Por i sigurova qytetarët e pranishëm në takim se me programin e PD do të mund të shkojmë në çdo sektor të ekonomisë, në çdo biznes të madh apo të vogël dhe në çdo familje për t’i dhënë zgjidhje probleme shqetësuese. Më 11 maj, me mbështetjen e tyre, do të hapim një kapitull të ri për Shkodrën dhe gjithë Shqipërinë. Për të sjellë ndryshimin që shqiptarët e presin me padurim.”, shkruan kandidati i PD- së, Kliti Hoti në publikimin e tij në rrjetet sociale, duke e shoqëruar edhe me foto.
