Benet Beci, deputet i PS- së dhe kandidat i pashpallur zyrtarisht për Bashkinë e Shkodrës, vijon takimet, në atë që mund të konsiderohet “fushatë e pashpallur”. I zgjedhur deputet që me 21 prill 2022, pjesën më të madhe të kohës Beci ka qendruar në “hije”, brenda e jashtë sallës së Kuvendit.
Me largimin e ish- drejtueses politike PS- së Edona Bilali dhe sidomos pas zëvendësimit të saj me Elis Spiropalin, Beci është i pranishëm në të gjitha takimet publike ose jo, por duke mos qenë zyrtarisht akoma kandidat për Bashkinë Shkodër me 14 maj 2022.
“Sado foto të nxjerr dhe sado rreshta të shkruaj, nuk do të mund ta përshkruaja dot atmosferën e ngrohtësinë që mora nga gjyshërit në një institucion të drejtuar me dashuri nga drejtori, Fatjoni , dhe stafi.
Institucioni më i mirë i ketij lloji në Shqipëri, Shtëpia e të Moshuarve, jo rastësisht ndodhet në Shkodër, si reflektim e shprehje e humanizmit, qytetarisë e dashurisë që Shkodra ka në çdo qelizë të sajën.”, shkruan Benet Beci në publikimin e radhës në faqen e tij zyrtare në Facebook.
