Pasditen e sotme rreth orë 14:50, 23-vjeçari Aldosen Belulaj ka qëlluar për vdekje me pistoletë Ariela Muratin, dhe më pas ka qëlluar edhe veten e tij në zonën përballë spitalit “Nënë Tereza”, te Universiteti i Mjekësisë.
Burime mediatike bëjnë me dije se dy të rinjtë janë dërguar me urgjencë në spital, ku Ariela Murati, 21 vjeç ka humbur jetën, ndërsa Aldosen Belulaj ndodhet në gjendje të rëndë për shkak të plagëve të marra.
Nga informacionet e para bëhet me dije se dy të rinjtë janë nga qytetit i Fierit dhe djali i ka kërkuar vajzës të lidhen sëbashku, por kjo e fundit nuk ka pranuar, duke bërë që djali të nxjerrë armën dhe ta qëllojë.
Policia dhe grupi hetimor kanë shkuar në vendngjarje, dhe kanë sekuestruar armën e krimit, një pistoletë, tip “Bereta”, ndërkohë vijojnë hetimet për zbardhjen e plotë të ngjarjes.
Njoftimi paraprak i policise
Rreth ores 14.52, ka ardhur nje telefonate ne Sallen Operative se para portes se Fakultetit te Mjekesise ka ndodhur një vrasje me armë zjarri.
Menjëherë kanë shkuar forca të shumta policie dhe grupi hetimor.
Nga verifikimet paraprake ka rezultuar se shtetasi A.B, rreth 23 vjeç nga Fieri ka qëlluar me armë zjarri pistoletë shtetasen A.M, 21 vjeçe nga Fieri studente, viti i tretë për Drejtësi, e cila ka ndërruar jetë.
Më pas shtetasi A.B. ka qëlluar dhe veten po me armën e zjarrit dhe ndodhet në reanimacion në gjendje të rëndë.
Paraprakisht dyshohet se shkak per ngjarjen e rende ishte kerkesa per lidhje, e refuzuar nga vajza.
Grupi hetimor në vendgjarje ka sekuestruar paraprakisht në cilësinë e proves materiale nje arme zjarri pistolete dhe dy gezhoja.
Po vijon puna per zbardhjen e plote te rrethanave te ngjarjes.
