Në pamje të parë, ishte një transport normal me konteinerë nga ata që përdoren për transport detar. Kishin ardhur Amerika e Jugut dhe do të vazhdonin rrugën: 2 konteinerë drejt Durrësit ndërsa një tjetër drejt Selanikut në Greqi. Pasi janë shkarkuar, konteinerët, siç ndodh rëndom janë futur në skanim doganor. Etiketat e pakove kishin pamjen e një pule, duke nënkuptuar se brenda tyre kishte pikërisht këto shpendë, të cilët eksportohen nga Amerika e Jugut në Europë shumë shpesh. Pas dyshimeve të para në skanim, ka nisur një kontroll i detajuar dhe zbulimi i bërë ishte fatal për ata që e transportonin, por jo vetëm.
Mediat e Maltës raportojne se sekuestrimi i kokaines me vlere 10.3 milione euro eshte bere nga Departamenti i Doganës, teksa policia zbuloi ne total 91.25 kg kokainë të fshehur brenda tre kontejnerëve në Freeport.
Sipas policise, droga u zbulua teksa po skanoheshin konteineret. Pas dyshimeve te para, nisi aksioni me detaje dhe brenda tyre ishin maskuar pakot me kokaine. Nga hetimi rezultoi se konteineri i parë dhe i tretë kishin mbërritur në Maltë nga Amerika e Jugut dhe do të vazhdonin rrugën drejt Durrësit, në Shqipëri. Ndërsa kontejneri i dytë, gjithashtu nga Amerika e Jugut, do të nisej drejt Selanikut të Greqisë.
Nga peshimi, doli se në kontejnerin e parë kishte 20 pako kokaine me peshe 24 kg në vlerë prej 2.7 milionë euro, në të dytin ishin 40 paketime me peshë 48 kg në vlerë 5.4 milionë euro.
