FOTO – “Arkeologu i vogël”, DRTK Shkodër aktivitet me fëmijët në kuadër të Ditëve Europiane të Arkeologjisë..

Këtë vit Drejtoria Rajonale e Trashëgimisë Kulturore Shkodër i është bashkuar festimeve në Ditët Evropiane të Arkeologjisë.

“Arkeologu i vogël”, një punëtori e realizuar në hapësirën e kalasë Rozafa stimuloi emocionet dhe kreativitetin e fëmijëve në gjetjet arkeologjike.


Gjatë fazës së parë të punëtorisë, të vegjlit u njohën me sekretet e profesionit të arkeologut, mjetet e punës të rëndësishme për zbulimin e artefakteve nga nëntoka dhe metodologjinë e dokumentimit të këtyre gjetjeve mbi të cilat u punua në praktikë.

Përmes një sondazhi të improvizuar arkeologjik, të vegjlit përjetuan emocionin e ‘zbulimit’ gjatë gërmimit arkeologjik, dokumentimin dhe hartimin e kartelës për objektet e zbuluara.

DRTK Shkodër falenderon grupin e veçantë ‘Natyralistët’ për bashkëpunimin dhe mbështetjen e vazhdueshme të aktiviteteve tona edukative.