Sot ju prezantojmë me një tjetër talent të Akademisë së Futbollit “Djelmnia Shkodrane”. Ai është Albi Ramekaj, pjesë e ekipit U- 13 të këtij kluibi sportiv, i cili njihet për talentet që rrit, nxjerr nga radhët e tij dhe vazhdojnë karrierën në ekipe të njohura brenda e jashtë vendit.
Albi është sulmues, më saktë, një “bomber” i vertetë për ekipin e tij. Deri tani, ka shënuar 28 gola në pjesëmarrjen në kampionat, ndërsa me gjasë ka rezervuar edhe të tjerë, teksa janë edhe 4 javë për tu luajtur.
Talenti i tij, bie në sy menjëherë, mjafton të shohësh në fushën e blertë. Ka përdorim të mirë të topit dhe si rrallëherë më moshën e tij, ai përdor me lehtësi të dy këmbët në kontrollin e topit, të majtën dhe të djathtën.
Pavarësisht moshës së vogël, ai karakterizohet nga një shpirt gare por edhe një ego për tu rritur si futbollist dhe për të ecur përpara. Është një emër që specialistët e futbollit, duhet ta mbajnë shënim. Nuk do të jetë e largët dita kur do të dëgjojmë të flitet për të. /ShkodraWeb/
