Vllaznia e basketbollit të femrave po krijon një profil kampioni, të paktën tek të rejat. Vajzat e drejtuara nga Xhuli Shestani dhe Renato Radoja, kanë arritur një rezultat fantastik teksa janë shpallu kampionë kombëtar. Në finale vajzat kuqeblu janë përballur me ekipin Superior Klima, të cilin e kanë dominuar plotësisht. Vetë rezultati final 122 me 85, me 37 pikë diferencë, tregojnë se vajzat kuqeblu nuk kanë patur rivalë.
Këto vajza, sipas gjasave do të ndjekin shembullin e brezit të artë të vajzave shkodrane të brezit të Xhuli Shestanit, të cilat mbeten sot e kësaj dite ikona të basketbollit të vajzave në Shkodër e më gjërë. ShkodraWeb i uron vajzat e Vllaznia U-18 dhe u uron sukses më tej, pse jo të sjellin në Shkodër edhe titullin e kampionit kombëtar për të rritura. Normalisht, një urim edhe për Shestanin por edhe Radojën që i qëndron afër ekipit. Më poshtë, fotot e kësaj ndeshje që shënoi triumfin e basketbollit të vajzave të Shkodrës.
