Aktori i “Portokallisë”, Gaz Paja është përfshirë në një aksident paraditen e sotme në Tiranë. Në fotot e siguruara nga ShkodraWeb, aktori i Portokallisë duket se është ulur në tokë pas aksidentit, i rrethuar nga kalimtarë të rastit që kanë tentuar t’i vijnë në ndihmë.
Në foto shquhet edhe një motor i përmbysur dhe punonjës policie në vendngjarje. Duket se aktori është duke marrë veten pas përplasjes dhe fatmirësisht është në gjendje të mirë, por sipas policisë, është në spital nën kujdesin e mjekëve.
Njoftimi i policisë
Me datë 11.11.2021, rreth orës 11:08, në rrugën e Kavajës, mjeti me drejtues shtetasin E. K., është përplasur me një motomjet me drejtues shtetasin G. P.
Si pasojë është dëmtuar drejtuesi i motomjetit shtetasi G. P., i cili ndodhet në spital, nën kujdesin e mjekëve.
Grupi Hetimor është në vendngjarje dhe po punon për sqarimin e rrethanave të aksidentit.
