Një aksident rrugor ka ndodhur paraditen e sotme në segmentin Pukë–Shkodër, në afërsi të kthesës së Danit, ku janë përplasur dy automjete.
Si pasojë e përplasjes, dy persona kanë mbetur të plagosur dhe janë transportuar me urgjencë në spitalin e Pukës. Sipas burimeve zyrtare, të plagosurit janë jashtë rrezikut për jetën.
Për shkak të aksidentit qarkullimi në këtë segment rrugor u bllokua për rreth një orë, deri në përfundimin e veprimeve procedurale nga policia dhe largimin e mjeteve nga rruga, çka bëri të mundur rifillimin e qarkullimit normal.
