18- vjeçarë tashmë me 40 vite eksperiencë. Kështu mund të konsiderohet matura 1981- 1985 e shkollës së mesme pedagogjike “Shejnaze Juka” në Shkodër.
Ata u tubuan për të kujtuar jo vetëm vitet e shkollës së mesme, e cila mbetet si periudha më e paharruar për çdo njeri, por edhe për të njohur më nga afër rrugëtimet e jetës dhe të profesionit të secilit.
“Ritakim, pas 40 vitesh, 1981 – 1985 – Shkolla e Mesme Pedagogjike “Shejnaze Juka”, Shkodër. Kaluam, së bashku, momente fantastike. Çfarë nostalgjie, malli e emocioni!”, shkruan në rrjetet e tij Tonin Gjuraj, nxënës i asaj mature dhe sot rektor i Universitetit “Luigj Gurakuqi” të Shkodrës.
E natyrisht, një vizitë pikërisht në këtë tempull të dijes, një pjesë e të cilëve e ndoqën pas shkollës së mesme dhe që sot, drejtohet nga një maturant i para 40 viteve. /ShkodraWeb/
