Një vit e gjysëm para Shpalljes së Pavarësisë në Vlorë, një tjetër datë ka patur një rëndësi tejet të veçantë. Me 6 prill 1911, në Deçiç, u ngrit flamuri kuqezi nga Nikë Gjelosh Luli, me urdhër të prijësit legjendar të Malësisë së Madhe, Dedë Gjon Luli. Është një datë që sot shënon 110 vjetorin, një datë që meriton shumë më tepër vëmendje dhe nderim edhe në nivel kombëtar.
Megjithatë, ka qenë Bashkia Malësi e Madhe ajo që ka përkujtuar sot këtë datë të rëndësishme. Pranë lapidarit kushtuar Dedë Gjon Lulit, janë bërë homazhe dhe janë vendosur kurora me lule nga autoritetet më të larta vendore si kryebashkiaku Tonion Marina, nënprefekti Hysen Hysaj, drejtues të institucioneve vendore etj.
Ngritja e flamurit në Deçiç, ishte në vazhdën e kryengritjes së Malësisë së Madhe, e cila synonte të komb e shtet shqiptar të pavarur nga Turqia. E veçanta e simbolit kombëtar në këtë event të 110 viteve më parë, është se mbi këtë flamur që u ngrit në Deçiç, ishin betuar prijësit e 7 bajrakëve të Malësisë, Hot, Grudë, Kastrat, Kelmend, Shkrel, Triesh, Kojë, por edhe fiset e tjera jashtë Malësisë së Madhe.
