Drejtori i spitalit në veri të Mitrovicës ka folur në lidhje me operacionin e fundit të bërë ndaj liderit të Iniciativës Qytetare serbe, “Liri,demokraci, drejtësi”, i cili u vra mëngjesin e sotshëm.
Mjeku Millan Ivanoviç tha se ndërhyrja për të shpëtuar jetën e Oliver Ivanoviç zgjati rreth 45 minuta, prej orës 8:30 deri në orën 09:15, por gjithë mundimi ishte i kot. Në orën 9:15 lideri ndërroi jetë.
Sipas mjekut, Oliver Ivanoviç kishte lëndime të marra në afërsi të gjoksit. Ai kishte marrë pesë plagë nga një armë zjarri saktësisht në pjesën e sipërme të gjoksit.
Mjeku bëri me dije se problemet me zemrën dhe dobësimi kardiak solli vdekjen e liderit serb, për shkak të plagëve të marra nga të shtënat me armë.