Flasin për një dashuri të madhe, kapen mat duke… Arilena Ara dhe menaxheri fusin përsëri në dyshime

“Gëzuar ditëlindjen lumturia ime e pafund! Popi Kola. Personi im i kësaj dhe çdo jete. Të dua sot dhe për një mijë paraardhës”, shkruante këngëtarja rreth një vit më parë, në ditëlindjen e menaxherit të saj.

Ndërkaq, miq të afërt të çiftit tregonin se ata e kanë zyrtarizuar lidhjen, duke u prezantuar edhe te familjet e tyre si partnerë e duke u dhënë fund kohëve kur prezantoheshin thjesht si bashkëpunëtorë në punë.


Paparazzi ynë i ka fotografuar pak ditë më parë, në një nga rrugët kryesore të Tiranës, teksa çifti kishte dalë për shopping. Ata duken shumë të lumtur afër njëri-tjetrit, ndërkohë që Popi i trajton Arilenën si një diva, duke i mbajtur çadrën.

Bie në sy stili sportiv i Arilenës, e cila edhe me veshje të thjeshtë shkëlqen. Por çfarë janë Arilena dhe Popi? A janë ata të dashur apo thjesht miq të ngushtë, që i ka bashkuar puna?

Arilena Ara dhe Popi Kola, menaxheri i saj, prej kohësh përfliten për një lidhje dashurie, por asnjëri prej tyre nuk e ka konfirmuar një gjë të tillë. Pak muaj më parë, i ftuar në një emision televiziv, Popi tregoi gjithçka për raportet me këngëtaren.

Dyshja janë njohur në kohën kur Arilena merrte pjesë në “X Factor”, ndërkohë që Popi punonte aty.


“Më tërhoqi vëmendjen sapo e pashë. Kishte një stil të veçantë dhe një karakter të fortë si një vajzë adoleshente. Me një fëmijë 13-14 vjeç nuk mund të kisha asgjë tjetër, përveçse ta shihja si fëmijën im”, tha Popi, duke nënkuptuar se mes tyre nuk ka asnjë histori dashurie.

Pas kësaj, Arilena e surprizoi menaxherin me një lidhje në “Skype”. “Doja vetëm një minutë të bëhesha pjesë e këtij bashkëpunimi mes jush. Doja të ndaja diçka shumë të vërtetë dhe të sinqertë, sepse nuk më bie rasti të flas për Popin, sepse është sfidë për mua, nuk është e lehtë të flasësh për Popin. Nuk ekzistojnë fjalë apo ndjesi të artikuluara që mund të shprehin respektin dhe adhurimin që kam për atë njeri të jashtëzakonshëm që sot ke fatin ta kesh në studio”, u shpreh Arilena.

Ndërsa në lidhje me marrëdhënien që ka me të, këngëtarja u përgjigj: “Absolutisht si një nga marrëdhëniet më të pastra, të bukura, naive dhe të pafajshme dhe absolutisht dashuritë më të mëdha që mund të ekzistojnë përtej çdo gjëje, përtej dashurisë që ka madje një prind për fëmijën e tij”.

Në një program televiziv, e vënë para faktit që fustani i bardhë i nusërisë simbolizon virgjërinë, Arilena u pyet se cila do të ishte ngjyra e fustanit të saj të nusërisë nëse do ta vishte. Dhe përgjigjja e Arilenës ishte: “E zeza. E zeza është në modë tashmë…”.

Por kur asaj iu tha se u kuptua që nuk ishte e virgjër, Arilena reagoi: “Eee, vonë e paskeni marrë vesh…”. /Panoramaplus.al/

© ShkodraWeb.com

ShkodraWeb Channel