Pas fitores me Teutën në “Loro Borici”, traineri i Vllaznisë Ernest Gjoka eshte shprehur i kenaqur, por ka pohuar se ka akoma punë për të bërë. Vllaznia merr keshtu fitoren e dytë rradhazi, 4 gola të shënuar edhe asnjë të pësuar.
2 fitore, 6 pikë. Edhe porta e paprekur
Është gjë pozitive, pasi rifitojmë besimin. Na jep një farë qetësie. Kemi ende shumë punë për të bërë. Malorja është ende e fortë.
Psikologjikisht, një fillim i mirë për lojtarët e ardhur?
Rrezikojmë shumë, ne duhet të kalojmë sa më shpejt handikapin e pikëve. Unë besoj tek kjo skuadër, tek këto futbollistë, dhe sot e treguan çfarë personaliteti kanë. Duhet ende shumë punë të dalim nga kjo situatë.
Menduat shumë herët të mbronit rezultatin…
Kur rezultati është 2-0, dhe ne mbaruam pjesën e parë, duhet të ishim shumë të kujdesshëm. Nuk kishim pse bënim aventurë. Pjesa e dytë ishte shumë e ekuilibruar. U munduam të kapnim me kundërsulm, të godisnim kundërshtarin. E rëndësishme është që skuadra ka disiplinë taktike.
