Vllaznia sërish e para e Abissnet Superiore pasi kanë përfunduar dy ndeshjet e para të “Final 4”. Edhe pse u mund 0- 2 nga Dinamo, kuqeblutë janë në krye pasi Egnatia shembi me “poker” Elbasanin.
Në krye, janë 3 ekipe me nga 31 pikë ndërsa deri tani, Vllaznia për golevarazh ka lënë pas Egnatian dhe Elbasanin. Kështu, shpresat e kuqebluve për titull kampion ringjallen edhe pse në ndeshjen e radhës kanë përballë Egnatian, tashmë në lojë për titull teksa edhe në ndeshjen tjetër, Dinamo mund të pretendojë për 3 pikë përballë Elbasanit, në një “Final 4” që duket se ka hapur çdo diskutim.
Ndeshjet luhen fundjavën që vjen, e shtunë e diel teksa në fundjavën e fundit të majit, do të mësohet edhe kampioni pas ndeshjeve Dinamo- Egnatia dhe Vllaznia- Elbasani.
