FIFA “zgjidh qesen”, shpërndan 1.5 miliardë dollarë për 211 antarët, ja sa përfiton FSHF-ja…

FIFA u vjen në ndihmë federatave për të përballuar emergjencat që janë krijuar nga pandemia e Covid- 19. Vendimi është marrë nga Komiteti dhe është quajtur si një “plan revolucionar”, për t’i dhënë hov futbollit në këto kohë të vështira.

Për 211 anëtarët është akorduar një fond prej 1,5 miliardë dollarësh (rreth 1,27 miliardë euro), i cili do të vihet në dispozicion të të gjitha federatave bëpërmjet një sistemi subvencinimi dhe kredie.


Çdo federatë pra, përfshirë edhe atë shqiptare, do të përfitojë rreth 1 milionë dollarë ose 850 mijë euro për të mbrojtur futbollin dhe për të ndihmuar në zhvillimin e tij. Përveç kësaj rreth 500 mijë dollarë ose (425 mijë euro), do të jepen për futbollin e femrave për çdo federatë. Përveç kësaj, federatat do të kenë mundësi të tërheqin borxhe deri në 5 milionë dollarë, pa interesa.

 ABCOM ║ VODAFONE