Ditën e sotme shqiptarët në mbarë globin kujtojnë e festojnë Ditën e Flamurit. Janë të shumta mesazhet patriotike, postimet e fotove dhe të flamujve, shenjë krenarie dhe nderimi për simbolin tonë identifikues. Në këtë ditë, nuk mungojnë as publikimet e personaliteteve nga sfera të ndryshme të jetës.
Ish- kryetarja e Kuvendit Jozefina Topalli, ka preferuar që në këtë ditë, të publikojë disa vargje nga At Gjergj Fishta, ai që konsiderohet tashmë si “babai” i letërsisë shqiptare. Përmes vargjeve, të cilat Topalli i shoqëron me një foto, sipas gjasave në periferi të Shkodrës, ish- deputetja e PD-së Shkodër, përcjell një mesazh të qartë.
“Duel padija n’krye të vendit;
Njerzt e kënuen u poshtnune,
Metën t’urtit jashtë kuvendit.
Duel me faqe t’bardhë trathtari,”
Gjergj Fishta”, shkruan Topalli në publikimin e saj. Ish- kryeparlamentarja që është vënë në udhëheqje të një lëvizje të re politike në vend, vetëm pak orë më parë zgjodhi Shkodrën për të festuar ditëlindjen e saj ndërsa sot, me një tjetër foto nga vendlindja shpërndan vargjet e Fishtës së madh në Ditën e Flamurit. /ShkodraWeb Media/
