‘Federbet’, kompania që monitoron luhatjet e basteve dhe që bashkëpunon me Bashkimin Europian, ka patur sot nën hetim ndeshjen miqësore që Kombëtarja U-20 e drejtuar nga Alban Bushi ka humbur 3-0 kundër Gjeorgjisë U-20. Të kontaktuar nga “Vip Sport” zyrtarët e kësaj organizate kanë pohuar se për ndeshjen në fjalë janë regjistruar lëvizje anormale të basteve.
“Jemi sinjalizuar se kjo ndeshje ka regjistruar lëvizje anormale të basteve. Në fakt, këto anomali kanë të bëjnë me përfundimin e ndeshjes me 3 apo më shumë gola.”
Kjo nuk është hera e parë që ‘Federbet’ sinjalizon për trukime ndeshjesh të shqiptarëve, por është e pare herë për një ekip Kombëtar.
