Kryebashkiakja e Shkodrës Voltana Ademi, ka dhënë një lajm shumë të mirë për të gjithë tifozët e Vllaznisë. UEFA ka miratuar licensimin e klubit shkodran për pjesëmarrje në Kupat e Europës në këtë sezon futbollistim 2021- 22.
“Dua të ndaj me të gjithë një lajm fantastik: Ekipet e Vllaznisë janë licensuar për pjesëmarrjen në Kupat e Europës! Është kurorëzim i përpjekjeve të përbashkëta të disa faktorëve, të cilët unë dua ti falenderoj me zemër!
Pavarësisht pengesave, të gjithë bashkë ne i kapërcyem ato, duke plotësuar kriteret e licensimit të vendosura nga UEFA.”, shkruan kryebashkiakja Ademi. Hapi më i rëndësishëm u bë me lidhjen e marrëveshjes në mes Klubit dhe Tatimeve të Shkodrës për shlyerjen e borxheve të akumuluara, duke paguar këstin prej 39 milio lekë të vjetra.
Pagesa e shumës u bë e mundur falë bashkëpunimit në mes Bashkisë Shkodër, FSHF- së dhe sponsorit Alban Xhaferi. /ShkodraWeb/
