“Faleminderit për muzikën”, kantautori Gjokë Vata zbulon dhuratën e marrë nga kryebashkiaku Beci për ditëlindje

Gjokë Vata, një nga emrat e rëndësishëm të artit dhe muzikës jo vetëm në Shkodër, ka festuar ditëlindjen. Kanë qenë të shumta urimet që ai ka marrë për vetë vlerat dhe artin që ka shpalosur dhe kënaqur artëdashësit.

Duket se për ditëlindjen e Gjokë Vatës, ka patur vemendje edhe nga kryebashkiaku Benet Beci. Në fakt, ka qenë vetë kantautori ai që ka bërë publike dhuratën e marrë nga qytetari i parë i Shkodrës, përmes publikimit të fotove në Facebook.

“I nderuem z.Beci, ju falenderoj per urimin e datlindjes time e per dhuraten qe shoqnon ate urim. E pershendes perzemersisht gjestin tuej te asaj qytetarije qe e nderon kryebashkiakun e qytetit tone.”, shkruan Gjokë Vata.

Në një nga fotot, tek të cilat shquhet një tufë me lule, lexohet edhe urimi i kryebashkiakut të Shkodrës për Gjokë Vatën.

“Gëzuar ditëlindjen! Faleminderit për muzikën! Me respekt, Benet Beci”, shkruhet në urimin për kantautorin e njohur.