48 orë nga vënia në pranga, “fajdexhinjtë” e kapur në aksionin “Maranaj” në Shkodër, do të dalin para Gjykatës së Shkallës së Parë në Shkodër. “Togat e zeza” pritet të bëjnë vlerësimin e masës së sigurisë për 12 personat pasi të shqyrtohen provat e paraqitura nga prokuroria por edhe nga mbrojtja e secilit prej personave të kapur. Seanca pritet të zhvillohet ditën e shtunë, në orën 9 dhe sipas gjasave, do të zgjasë pasi të 12 personat do të dalin një nga një para gjykatësit të masës së sigurisë. Meqenëse është ditë pushimi (e shtunë), 12 të arrestuarit do të dalin para gjyqtarit të gatshëm.
Aksioni “Maranaj”, u zhvillua në Shkodër me pjesëmarrjen e policisë, FNSH dhe RENEA dhe goditi një grup të madh që përmes fajdeve, dyshohet se ka shkaktuar mjaft probleme tek një numër i madh qytetarësh. Në mes personave të vënë në pranga është ish- kancelari i gjykatës, ish- drejtori i “Patentave” në Shkodër, ndërsa në skenë ka dalë edhe një notere tanimë e pezulluar dhe fëmijët e një ish- zyrtari të lartë rajonal.
MUND TË LEXONI EDHE: Fenomeni “fajde” dhe “furtuna në gotë” për përfitime politike në Shkodër…
FOTO+ VIDEO/ Policia e Shkodrës jep detaje për aksionin kundër fajdexhinjve, 160 uniforma blu u angazhuan…
