Evi Kokalari humb durimin, padit për shpifje në gjykatë një portal dhe disa personazhe mediatikë dhe të rrjeteve sociale

Mesa duket aktivistja republikane në SHBA, e cila këto kohë është vendosur në krah të ish- kryeministrit Bersiah, e ka humbur durimin e saj. Mësohet se Evi Kokalari ka paditur për shpifje një portal online, si dhe disa personazhe të tjerë mediatik dhe në rrjete sociale, konkretisht Ilir Demalian, Dritan Demiraj, Frrok Çupin dhe Kolec Traboinin.

Shkak për padinë e aktivistes së njohur shqiptare në SHBA, janë akuzat që janë bërë ndaj figurës së saj nga personat e mësipërm në disa dalje mediatike dhe artikuj në portale të ndryshme.


Për shkak të këtyre akuzave, sulmeve dhe fyerjeve deri në nivel familjar, Kokalari ka vendosur të ndërmarrë veprime ligjore ndaj një portali si dhe shtetasve Ilir Demalia dhe Dritan Demiraj, Frrok Çupi dhe Kolec Traboini.

Aktivistja deklaroi se tashmë ka vendosur që çështjen ta ndjekë penalisht duke mos lënë më asgjë në kuadër të deklaratave.

Evi Kokalari jeton prej shumë vitesh në SHBA, atje ku është angazhuar në shumë veprimtari publike dhe politike, si aktiviste pranë Partisë Republikane.

Ndërkohë ditët e fundit ajo po qëndron në Shqipëri, duke mbështetur hapur lëvizjen e Sali Berishës kundër Lulzim Bashës brenda Partisë Demokratike.