“Etilda Gjonaj të japë dorëheqjen”, kreu i shtetit Meta: Ka humbur besimin e presidentit

Presidenti i Republikës, Ilir Meta në një konferencë për mediat ka kërkuar që brenda ditës së hënë mirëpret dorëheqjen e ministres së Drejtësisë, Etilda Gjonaj.


Kjo deklaratë e Presidentit erdhi pas provave të publikuar ditën e djeshme nga presidenca, ku citohej se Ministrja dhe vartës të saj në kundërshtim me ligjin kanë kryer veprime flagrante në Drejtësi.

“Në këtë tentativë për grusht shteti bazuar në provat që u bënë publike dje rezulton të jetë e përfshirë drejtpërdrejte Etilda Gjonaj dhe institucione në varësi të saj, duke përvetësuar një kompetencë që kushtetuta ia jep President.

Sipas kushtetutës vendimet e KED nuk botohen në fletoren zyrtare por publikohen vetëm në faqen e internetit të Gjykatës së Lartë.

Po mbushen 24 orë nga bërja publike e shkeljeve nga Ministria e Drejtësisë që përmes falsifikimeve ka konsumuar disa vepra penale. Për këto arsye dhe prova të tjera që po sigurohen brenda ditës së hënë do depozitoj kallëzimin penal për Etilda Gjonaj. Ajo e ka humbur besimin e presidenti dhe do mirëprisja brenda ditës së hënë dorëheqjen e saj dhe përballjen me ligjin si ish-ministre”, tha Meta.