Presidenti i Turqisë, Recep Tayyip Erdoğan nuk është ndalur me akuzat në drejtim të Kosovës. Gjatë fjalës së tij në kongresin e gjashtë të partisë se tij në qytetin Hatay, Erdogan falënderoi publikisht presidentin Hashim Thaçi për depërtimin e gjashtë gulenistëve nga Kosova. Ndërkohë ai e ka cilësuar si “turp” veprimet e kryeministrit Ramush Haradinaj.
“Operacioni i fundit në Kosovë (Operacioni i MIT-it në Kosovë kundrejt strukturës së FETO-s në Ballkan) nuk është as i pari, nuk do të jetë as i fundit. Prej këtu e falënderoj presidentin e Kosovës. Por kryeministrit i them ‘Turp’. Sepse largimi nga detyra i kreut të inteligjencës, ministrit të Brendshëm, të cilët na i dhanë anëtarët e organizatës terroriste FETO, është një gabim historik. Sepse ato e bënë detyrën e tyre”, raporton Anadolu Agency (AA).
“Është miku, vëllai ynë kushdo që shkollat e FETO-s ia dorëzon Fondacionit turk Maarif, kush mbyll strehët e tyre të së keqes me pamjen e institucioneve të shoqërisë civile dhe kush i largon agjentët e tij nën pamjen e biznesmenit”, është shprehur Erdoğan.
