Policia e Shtetit do të përfshihet nga disa ndryshime të drejtuesve të saj të lartë. Burime për ShW raportojnë se Tonin Vocaj do marrë postin e Drejtorit të policisë së Tiranës, ndërsa ish- drejtori, Lorenc Panganika do të transferohet në akademinë e policisë.
Ndërkohë zëvendësdrejtori i Përgjithshëm, sipas burimeve do të emërohet Sokol Bizhga.
Gjithashtu ndryshime do të ketë edhe në qytete të tjera, ku mësohet se Ermal Muça do të emërohet drejtor në Vlorë, Niko Brahimaj në Fier, Ervin Hodaj në Shkodër, Lutfi Minxhozi emërohet drejtor për Marrëdhëniet Ndërkombëtare dhe Gent Ndoj drejtor i krimit ekonomik në Drejtorinë e Përgjithshme.
Ndryshimet do të prezantohen nesër nga drejtori i Përgjithshëm i Policisë së Shtetit, Muhamet Rrumbullaku.
Të nderuar lexues dhe vizitorë të portalit tonë! Reklamat që shfaqen, mundësojnë që ShkodraWeb të vazhdojë të jetë e lirë dhe e pandikuar në përcjelljen e të vertetës. Faleminderit nëse i klikoni!
