Në Gjermani nisi gjyqi kundër një shqiptari me pasaportë gjermane i cili dyshohet për vrasjen e një 19 vjeçari shqiptar në 24 maj të vitit 2017, dyshohet per gjakmarrje. Trupi i të riut u gjet në liqenin Erbach. Rreth një muaj përpara se te gjendejn, ai ishte goditur per vdekje me çekiç dhe më pas ishte hedhur i lidhur në liqen. 46 vjeçari i akuzuar doli sot në gjykatë dhe u pa që të mbulonte fytyren me një zarf përpara kamerave dhe mediave.
Ndërkohë në sallë ishin dhe familjarë të viktimës por dhe të të pandehurit.
Media gjermane, swp.de shkruan se fillimisht i pandehuri ka joshur 19 vjeçarin duke u prezantuar me një identitet fals.
Gjatë seancës e cila do të vazhdojë pasditen e sotme, pritet që i pandehuri të dëshmojë dhe në këto momente pritet që seanca të mbahet me dyer të mbyllura.
Dyshohet se krimi është kryer nga dy persona dhe i pandehuri pretendon se ka qenë vetëm ndihmësi.
