Një i burgosur në burgun e Peqinit është gjetur i vetëvarur në qeli. Bëhet me dije se ai është shtetasi Astrit Pukmeta, i cili rezulton i arrestuar rreth një javë më parë për kanosje, plagosje të rëndë dhe pengmarrje.
Të burgosurit i është dhënë ndihma e parë në qeli nga gardianët dhe më pas është bërë transportimi i tij në spitalin e Peqinit, ku ka ndërruar dhe jetë.
Pukmeta u konfliktua rreth një javë me shtetasit V. K. dhe I. M. dhe i ka spërkatur me naftë, duke tentuar ti djegë.
Pas konfliktit me këta të dy, ka vajtur në një dyqan ku është konfliktuar dhe me shitësin e dyqanit, shtetasin Bardhyl Petja, dhe e ka plagosur me thikë.
Në afërsi të dyqanit, nën kërcënimin e thikës, ka marrë peng shtetasin Arjan Shau bashkë me makinën e tij, dhe është larguar në drejtim të Rrogozhinës.
Në fshatin Lekaj, shtetasi Arjan Shau, ka tentuar të devijojë makinën, dhe është futur në parkimin e një karburanti, dhe shtetasi Astrit Pukameka e ka plagosur me thikë.
Pasi kanë dalë nga makina, është afruar te vendqëndrimi i punonjësit të karburantit, i ka marrë shumën e xhiros ditore, dhe në momentin që kanë arritur shërbimet e Policisë, ka kërcënuar se do digjte karburantin.
