Një 26-vjeçar është arrestuar nga policia e Shkodrës pasi i shpallur në kërkim për krime kundër personit, armëmbajtje pa leje dhe trafik droge. Sabah Nuzi, banues në Burrel është arrestuar pasi më datë 1 shtator ai ka kërcënuar një person tjetër me armë zjarri.
Pas një konflikti të çastit, 26-vjeçari ka qëlluar me armë në ajër dhe më pas ka kërcënuar personin tjetër.
Për Nuzin, Gjykata e Rrethit Gjyqësor Mat ka vendosur masën e sigurimit personal “Arrest me burg”, i dyshuar për kryerjen e veprave penale “Mbajtja pa leje dhe prodhim i armëve, armëve shpërthyese e municioneve”, “Kanosje” dhe “ Prishje e qetësisë publike”.
Materialet procedurale do ti referohen Prokurorisë Mat për veprime të mëtejshme.