EMRI – Përplasi me makinën e tij policin dhe largohet, kontrolle me dron e me skaf për shoferin që braktisi mjetin…

Detaje të reja kanë dalë në dritë nga ngjarja e ndodhur gjatë orëve të pasdites në Sarandë, ku një drejtues mjeti, ka përplasur me makinë një efektiv policie, e më pas është larguar në drejtim të paditur.

Burime nga vendngjarja, bëjnë të ditur se pasi ka përplasur efektivin Robert Culli, është drejtuar në vendin e quajtur “Rrapi”, ku ka braktisur mjetin dhe është larguar në drejtim të paditur.


Mësohet se burri, i identifikuar si Ari Kerma, ka pasur një armë në dorë dhe më pas e ka hedhur në drejtim të detit.

Gjatë kontrolleve me dron dhe skaf, është arritur të gjendet arma e zjarrit tip pistoletë në ujë, jo shumë larg detit. Raportohet se efektivi i policisë ka marrë dëmtime në pjesën e gjymtyrëve nga goditja me automjetin e autorit.