EMRI – Përfundon në tragjedi “aventura” e dy të rinjve, 34 vjeçari humb jetën duke u futur në ujra termalë të llixhave

Aventura e 2 të rinjve ka përfunduar në tragjedi në llixhat e Elbasanit, ku ka humbur jetën 34-vjeçari i identifikuar si Alban Pashallari.

Ai së bashku me mikun e tij po lëviznin me një mjet, të cilin e parkuan në rrugë dhe rreth orës 22:00 shkuan pranë hotelit ku qëndrojnë personat që kanë nevojë për ujërat termale. Ndonëse nuk ishin klient në hotel, dy djemtë zgjodhën të qëndronin jashtë. Ata hapën rubinetin vetë për të mbushur pishinat e jashtme me ujëra termalë.


Por teksa qëndronte në llixha, shoku ka vërejtur se Alban Pashallari ishte në gjendje gjumi dhe kërkoi ndihmë më urgjencë. Nuk dihet ende arsyeja që mund t’i ketë shkaktuar vdekjen të riut, por dyshohet se mund të jetë asfiksi. pranë vendit të ngjarjes u gjet një kanaçe birre që mund të ketë konsumuar.

Menjëherë ka mbërritur ambulanca për t’i dhënë ndihmën e parë dhe policia për të zbardhur rrethanat e ngjarjes.

“Hëngrëm darkë në Tiranë dhe u nisëm për në llixhat e Elbasanit”, kështu deklaroi para grupit hetues shoku që po shoqëronte 34-vjecarin, i cili ndërroi jetë teksa qëndronte në ujrat termalë.

Gjithashtu shtoi se rrugës morën birrë dhe hynë në ambientet e hotelit, ku filluan të laheshin.

“Shkova për të thërritur Albanin, e shoh në gjendje gjumi. Aty më kap paniku dhe filloj të bërtas. Tentova t’i jepja ndihmën e shpejtë, ndërkohë që u njoftua dhe ambulanca”, tha i riu.