Alfred Rushaj, krejt papritur, ka njoftuar heqjen dorë nga mandati i deputetit. “Për arsye personale”, është zyrtarisht arsyeja e paraqitur për veprimin e tij, teksa Rushaj duhet ta dorëzojë në Kuvend heqjen dorë nga mandati i deputetit.
Ndërkohë, mësohet emri i deputetit që pritet ta zëvendësojë. Sipas listës së dorëzuar në KQZ për zgjedhjet e vitit 2021, me firmën e kryetarit të asaj kohe Lulzim Basha, është radha e Aldo Bumçit të futet në Kuvend. Megjithatë, sipas Nenit 163 të Kodit Zgjedhor, KQZ bën ri- renditjen në bazë të votave parapëlqyese, duke hedhur poshtë listën e PD- së me firmën e Bashës.
Orjola Pampuri, e 15- a në listë, ishte e fundit ndër fituesit e PD- së në Tiranë në zgjedhjet e 25 prill 2021. Ndërkohë, Aldo Bumçi, i cili duhej të marrë mandatin dhe është mbështetës e Berishës në PD, do të zëvendësohet nga Petrit Doda. Në rishpërndarjen e mandateve në rast vakance, në zbatim të nenit 164 të Kodit Zgjedhor, përdoret pikërisht renditja e përcaktuar nga KQZ.
Sipas KQZ- së, e cila është shprehur me vendim, Petrit Doda është i pari për zëvendësimin e vakancës, pasi ka marrë 5976 vota parapëlqyese me 25 prill 2021.
