Një 22-vjeçar shqiptar ka humbur jetën mbrëmjen e djeshme në vendin e punës në Maniago të Italisë. Një ditë para tragjedisë, i riu kishte festuar ditëlindjen e tij.
Viktima është identifikuar si Daniel Tafa, teksa sipas mediave italiane, i riu ishte duke punuar në një makinë për stampimin e ingranazheve industriale, kur një pjesë metalike nga makineritë e ka goditur në kurriz, duke i shkaktuar plagë të rënda dhe duke i marrë jetë menjëherë.
Autoritetet po kryejnë hetimet, ndërsa kanë vënë nën sekuestro përkohësisht kompaninë.
