Të tjera detaje janë bërë publike në lidhje me vrasjen që ndodhi sot në Itali, ku një maroken qëlloi për vdekjen bashkëshorten e tij me origjinë shqiptare. Mediat në vend kanë zbuluar dhe identitetin e 34-vjeçares shqiptare që u vra dhe shkruajnë se bëhet fjalë për Fjoralba Nonaj.
Shqiptarja u qëllua disa herë me thikë nga burri i saj maroken, 35-vjeçar, në prani të nënës së saj dhe djalit 5-vjeçar. Sipas mediave në Itali gruaja ishte 34 vjeçe dhe u godit me thikë në bashkëshorti i saj maroken, në makinë e tij.
Sipas mediave në Itali mësohet se e gjithë ngjarja është shënuar para fëmijës së tyre,vetëm 5 vjeç.
Menjëherë shkuan në vendngjarje ambulanca dhe policia, të cilat transportuan gruan në spital, por ajo nuk i shpëtoi dot plagëve të marra duke ndërruar jetë.
Pas krimit, 35-vjeçari u shfaq në stacionin e policisë në Seregno dhe rrëfeu atë që sapo kishte bërë.
Sipas informacioneve që japin mediat italiane krimi u shkaktua nga një krizë bashkëshortore, pasi disa muaj me radhë burri dhe gruaja nuk kanë jetuar së bashku dhe ndoshta njeri nuk ka pranuar ndarjen.
Fatmirësisht, fëmija, i cili mbeti në makinë pranë nënës së tij të vdekur, nuk mori asnjë dëmtim gjatë sulmit.
Ky është krimi i dytë në Itali në vetëm një javë, ku viktimë kanë mbetur dy gra shqiptare, pas Elsa Tereziut, e cila u ther me thikë nga i shoqi në sy të djalit 17-vjeçar.
