Ngjarje e rëndë në Shkodër. Një 32-vjeçare ka humbur jetën në rrethana të paqarta mbrëmjen e sotme në fshatin Melgushë të Shkodrës. Jozefina Çefaj ka qenë në një dasmë në këtë fshat por nuk është ndjerë mirë.
Edhe pse është tentuar t’i jepet ndihma e parë pasi në vendin e ngjarjes ka mbërritur menjëherë një autoambulancë, 32-vjeçarja nuk ka mundur të mbijetojë.
Policia ka mbërritur në vendin e ngjarjes. Nuk dihet nëse vdekja ka ardhur nga shkaqe natyrale apo nga një helmim i mundshëm nga ushqimi që ka konsumuar në dasmë. © ShkodraWeb
