Një incident ka ndodhur mbrëmjen e kësaj të shtunë në Komisariatin e Elbasanit. I riu Aurel Latifi i ka vënë flakën murit rrethues dhe dritares së ankesave të qytetarëve. Mësohet se të pranishëm në zyrën e ankesave kanë qenë edhe dy punonjës policie.
Raportohet se dy efektivët që kanë qenë të pranishëm nuk kanë marrë dëmtime, por kanë reaguar menjëherë duke ndaluar 32-vjeçarit. Sipas skedës së tij i riu Aurel Latifi nuk ka precedent penal të mëparshëm.
32-vjeçari i është afruar zyrës së ankesave në Komisariatin e Elbasanit dhe në pjesën e jashtme të murit rrethues dhe të dritares së zyrës së ankesave i ka vënë flakën.
Njoftimi i policisë:
Sot me date 17.12.2022 rreth ores 18.30, shtetasi A.L 32 vjeç, lindur e banues ne Elbasan ne adresen lagja “Dyli Haxhire“, ka ardhur te zyra e informacionit me nje shishe benzine ne dore e ka hedhur dhe i ka vene flaken dritares. Menjehere nga efektivat eshte fikur si dhe eshte kapur autori, ky shtetas dyshohet të kete probleme me shendetin mendor. Po punohet per sqarimin e rrethanave dhe kryerjen e veprimeve proceduriale per vepren penale: “Shkaterrim i prones me zjarr”.