Në vijim të kontrolleve të ushtruara në të gjitha rrugët kryesore dhe dytësore në qarkun e Lezhës, me qëllim parandalimin, evidentimin dhe goditjen e veprimtarisë kriminale në fushën e narkotikëve dhe armëmbajtjes pa leje, bazuar në informacionet e marra në rrugë operative se në në vendin e quajtur “Ura e Fanit”, Mirditë, një shtetas qarkullonte me automjet, me armë zjarri pa leje dhe doza me lëndë narkotike gati për shitje, u organizua dhe u finalizua operacioni policor i koduar “Lumthi”, si rezultat i të cilit u bë kapja dhe arrestimi i shtetasve:
Bledar Gjeta, 38 vjeç dhe Agustin Lika, 43 vjeç, banues në Rrëshen, Mirditë. Gjithashtu, u bë shpallja në kërkim e shtetasit Elidjon Gjoka, 33 vjeç, banues në Mirditë dhe punohet për kapjen e tij.
Shërbimet e Policisë kanë lokalizuar dhe ndaluar mjetin e dyshuar tip “Audi” me drejtues shtetasin E. Gj., ku gjatë kontrollit kanë gjetur dhe sekuestruar në cilësinë e provës materiale një armë zjarri pistoletë, municion luftarak dhe lëndë të dyshuar narkotike e dyshuar kokainë.
Në vijim të veprimeve u arrestuan në flagrancë shtetasit Bledar Gjeta dhe Agustin Lika, si dhe u shpall në kërkim drejtuesi i mjetit, shtetasi Elidjon Gjoka, i cili duke përfituar nga errësira ka mundur të largohet.
Materialet iu referuan Prokurorisë së Rrethit Gjyqësor Lezhë, për veprime të mëtejshme për veprat penale “Armëmbajtja pa leje” dhe “Prodhimi dhe shitja e narkotikëve” për shtetasin Elidjon Gjoka dhe për veprën penale “Përkrahja e autorit të krimit” për shtetasit Bledar Gjeta dhe Agustin Lika.
