Personat që shikoni foto janë Kolë Manaj dhe Anila Prendushi, çifti që u gjetën në një makinë, të qëlluar me plumba. Bëhet me dije se ata kishin 5 vite që bashkëjetonin, ndërsa është mister akti i ndodhur.
Dyshohet se Manaj ka qëlluar me plumb në kokë Prendushin, më pas edhe veten. Gruaja, nënë e 3 fëmijëve, është dërguar në gjendje të rëndë në Spitalin Rajonal të Shkodrës, ndërsa burri ka mbetur i vdekur në makinë.
Kolë Manaj dhe Anila Prendushi u gjetën brenda automjetit tip Wolkswangen rreth orës 11:15 në lagjen “Mark Lula”. Nga veprimet e para rezulton se automjeti nuk ka dëmtime të jashtme të shkaktuara nga armë zjarri. Në brendësi të automjetit është gjetur një armë zjarri pistoletë.
Mësohet se mes çiftit ka pasur një konfikt brenda automjetit dhe më pas janë dëgjuar të shënat me armë. Ka qenë kalimtarë që gjetën çiftin brenda automjetit, ndërsa 44-vjeçarja mësohet se ka marrë 1 plumb në kokë.
Njoftimi i policisë
Shkodër/Informacion paraprak
Rreth orës 11:15, në lagjen “Mark Lula”, janë gjetur në një automjet, shtetasi Kol Manaj, 34 vjeç dhe shtetasja Anila Prendushi, me plagë të shkaktuara nga armë zjarri.
Shtetasi Kol Manaj ka humbur jetën, ndërsa shtetasja Anila Prendushi, 44 vjeç, është dërguar në spital, në gjendje shumë të rëndë.
Shërbimet e Policisë kanë shkuar menjëherë në vendin e ngjarjes dhe po kryejnë veprimet hetimore për rastin.
Nga veprimet e para rezulton se automjeti nuk ka dëmtime të jashtme të shkaktuara nga armë zjarri. Në brendësi të automjetit është gjetur një armë zjarri pistoletë.
Grupi hetimor, në drejtimin e Prokurorisë, vijon punon për zbardhjen e rrethanave të ngjarjes.
