Procesi i zgjedhjes së kryetarit të degës së PD- së Shkodër, po shkon drejt përmbylljes. Ndërsa nga strukturat demokrate u propozuan rreth 25 emra për këtë pozicion, ShkodraWeb ka mësuar se vetëm 8 persona kanë vijuar procedurën e kandidimit, duke plotësuar formularët sipas Statutit dhe udhëzimeve të qendrës.
Të propozuarit që kanë zyrtarizuar kandidimin, janë: Arben Lushaj, Ardit Qylybyli, Ervin Gjini, Eliona Shkreli, Englant Rexha, Armand Rushaj, Pjerin Kodraçaj, Gentjan Ibro. Pjesa më e madhe, janë emra të njohur në publik por ka edhe nga ata që janë më pak.
Këto 8 kandidatura zyrtare do të shqyrtohen nga Kryesia e PDSH- së në Tiranë, e cila mund të vendosë të pakësojë numrin e tyre por edhe ti sjellë për votim që të gjithë emrat. Ndërsa ka nisur edhe “krehja” e listave të anëtarësisë demokrate, duket e vështirë që zgjedhjet për kryetar, me parimin “një anëtar, një votë”, të zhvillohen brenda datës 31 janar 2021, siç ishte përcaktuar në vendime dhe udhëzime të qendrës. /ShkodraWeb/
