EMRAT – Vëllai vendosi alarmin në celular për t’u zgjuar nga gjumi për syfyr, 20-vjeçari shqetësohet nga zhurma, e plagos me thikë

Detaje të reja janë zbuluar nga sherri mes dy vëllezërve në Durrës, në orët e para të mëngjesit të së mërkurës.

Mësohet se vëllai i madh, Bernard Oruci, kishte vendosur alarmin e telefonit për tu zgjuar nga gjumi për të ngrënë syfyr.


Por vëllai i tij më i vogël Egzoni, 20-vjeç, është acaruar nga zhurma dhe ka qëlluar me thikë 27-vjeçarin duke e plagosur rëndë.

Bernard Oruci u dërgua në spital, ku sipas policisë ndodhet jashtë rrezikut për jetën, ndërsa Egzoni u arrestua nga policia për veprën penale “Plagosja e rëndë me dashje”.

Informohet se dy vëllezërit ishin nga Kukësi por jetonin bashkë në një shtëpi me qira në zonën e Pazhit në lagjen numër 13 të qytetit të Durrësit.