Të shtëna me armë zjarri janë raportuar këtë mbrëmje në Shkodër. Bëhet me dije se nga informacionet paraprake mësohet se një mjet në lëvizje ka qëlluar me armë drejt një mjeti të parkuar.
Gjithçka sipas policisë, ka ndodhur pas një konflikti mes dy vëllezërve dhe një personi tjetër. Ky i fundit dyshohet se ka qëlluar me armë në derën e pasme të automjetit të parkuar.
Ngjarja ka ndodhur në sheshin “Prek Cali” në Shkodër. Deri më tani nuk raportohet për persona të lënduar. Sakaq policia ndodhet në vendngjarje dhe po heton rastin.
Në lagjen “Skënderbeg”, Shkodër, dyshohet se pas një konflikti të çastit mes shtetasit Kristian Fermosi dhe vëllezërve David Kiri e Ardian Kiri, shtetasi Kristian Fermosi dyshohet se ka qëlluar me armë zjarri pistoletë dhe është larguar. Nuk ka persona të lënduar.
Shërbimet e Policisë dhe një grup i FNSH-së Shkodër po kontrollojnë zonën me qëllim lokalizimin dhe kapjen e autorit. Grupi hetimor nën drejtimin e Prokurorisë po vijon veprimet për sqarimin e rrethanave dhe dokumentimin ligjor të ngjarjes.
