EMRAT – Policia e Shkodrës jep versionin zyrtar për ngjarjen e rëndë në Vau Dejës ku u vra një grua 40 vjeçare

Një ngjarje e rëndë ka ndodhur pak minuta më parë në fshatin Nënshat të Bashkisë Vau Dejes. Burime paraprake nga vendngjarja bëjnë me dije se një burrë ka vrarë me kallashnikov një grua 40 vjeçare, me të cilën kishte bashkëjetuar.

Mesohet se viktima është Gjuliana Topalli 40 vjeçe. Raportohet se edhe ish- bashkëjetuesi i saj, i identifikuar si Niko Hila 50 vjeç, është plagosur dhe ndodhet në spital për ndihmë mjekësore.


Dyshimet e para janë se burri ka tentuar të vrasë veten me plumb në gojë pasi i ka marrë jetën gruas. Për momentin nuk ka informacione për motivet e ngjarjes së rëndë.

Mësohet se 60- vjeçari është dërguar tek Trauma e Tiranës për shkak të gjendjes së rëndë.

Vau i Dejës/ Informacion paraprak

Më datë 09.01.2022, rreth orës 16:44, në fshatin Nenshat, Bashkia Vau i Dejës, në rrethana ende të paqarta shtetasi N. H., rreth 50 vjeç, dyshohet se ka vrarë me armë zjarri ish bashkëjetuesen e tij, shtetasen Gj. T., 40 vjeçe.

Shtetasi N.H pas krimit dyshohet se ka tentuar të vrasë veten dhe për pasojë ka mbetur i plagosur dhe ndodhet nën kujdesin e mjekëve në Spitalin Rajonal Shkodër.

Grupi hetimor po vijon punën për sqarimin e rrethanave dhe zbardhjen e ngjarjes.

Open

Close