Tre këshilltarë bashkiakë të Shkodrës do të përfundojnë para afatit mandatin e tyre si të zgjedhur vendorë. Lajmi është mësuar nga sekretari e Këshillit Bashkiak, përmes ftesës zyrtare për mbledhjen e rradhës që do të mbahet me 18 prill ora 17.00.
Mësohet se do të mbarojnë mandatin para kohe këshilltarët Mirjan Bletaj i zgjedhura nga LSI por i kaluar në rradhët e PS, Valentinë Vuksani këshilltare e PS, Gjovalin Troja këshilltar i PAA.
Komisioni i Mandateve të Këshillit Bashkiak, në një mbledhje të tij, ka konstatuar se këshilltarët e mësipërm, kanë kaluar afatin 6 mujor të mungesës së tyre në punimet e parlamentit të Bashkisë. Në këto kushte, Komisioni në relacionin e tij, i propozon Këshillit Bashkia që të miratojë përfundimin para afatit të mandatit të këshilltarëve, bazuar në ligjin për qeverisjen vendore.
Sipas gjasave, Këshilli Bashkiak do të miratojë vendimin e Komisionit të tij të Mandateve dhe do të jetë rradha e KQZ-së të bëjë zëvendësimin e këshilltarëve sipas listave të depozituara nga subjektet politike në zgjedhjet e 2015- ës. /ShkodraWeb/
