htatë shqiptare që akuzohen si pjesëtare të një grupi kriminal që vidhte dyqanet e shtrenjta në Athinë janë arrestuar nga policia greke.
Ato kishin krijuar një bandë, aktiviteti i të cilave daton që nga viti 2016. Grupi vepronte me metoda të sofistikuara, për të evituar kontrollet e sigurisë.
Të arrestuarat janë Majlinda Duka, Kristina Cacaj, Anila Mukaj, Rezarta Prastaj, Athina Bitri, Gjinovefa Kashari, Katerina Sulioti.
Ato përdornin aparate për çaktivizimin e mekanizmave kundër vjedhjes. Sendet e vjedhura, veshje dhe këpucë firmato, vendoseshin në çanta të posaçme, që i kishin faqet e brendshme të veshura me alumin që mos të diktoheshin nga skaneri i alarmit në dalje të njësive.
Grupi i dërgonte veshmbathjet e vjedhura në Shqipëri. Policia tha se fitimet e mëdha që nxirrnin nga biznesi i paligjshëm ato i investonin në blerje banesash dhe makinash të shtrenjta.
Të nderuar lexues dhe vizitorë të portalit tonë! Reklamat që shfaqen, mundësojnë që ShkodraWeb të vazhdojë të jetë e lirë dhe e pandikuar në përcjelljen e të vertetës. Faleminderit nëse i klikoni!
