Drejtuesi i një motorçiklete, i identifikuar si Gjon Zeka, rreth 60 vjeç, ka mbetur i plagosur rëndë, pasi është përplasur nga një automjet, i drejtuar nga një shtetas i identifikuar si Ledian Macaj. Aksidenti ka ndodhur në aksin Lezhë- Shkodër, pranë kryqëzimit të fshatit Gocaj.
I plagosuri është dërguar me urgjencë në spitalin e Lezhës dhe bëhet me dije se ka marrë fraktura të shumta dhe është transferuar me urgjencë në spitalin e Traumës ne Tiranë. Policia ndodhet në vendin e ngjarjes dhe po heton shkaqet e aksidentit.
