Grupimi “Për PD-në” do të shpallë nesër dy kandidatët që do të sfidojnë Lulzim Bashën për kreun e partisë.
Konfirmohet se dy emrat e propozuar janë ish-kreu i PD në Kukës Ibsen Elezi dhe ish-anëtarja e kryesisë, Edith Harxhi.
Mësohet se zyrtarizimi i kandidatëve do të shtyhet për nesër për shkak të konferencës për media që pritet të mbajë sot në orën 18:00 ish-kryeministri Sali Berisha, i cili u shpall “non grata” nga DASH.
Deri me 22 maj, kandidatët për zgjedhjen e kryetarit të ri të PD duhet të paraqesin dokumentacionin në Sekretariatin e Komisionit Zgjedhor të partisë. Zgjedhjet do të zhvillohen më 13 qershor sipas parimit “një anëtar një votë”.
